متى تدري أنك كبرت ..!

إذا كل ما أوجعك شي .. قلت لنفسك عيب الحزن ما يجوز ..

و متى تدري إنك تغيرت ..!

إذا ما عاد يهمك اي جهه تمشي لها و لا عاد تهتم ..

و متى تدري إنك أقوى ..!

إذا صرت حافظ كل تفاصيل الحكايه و تتحكم باخر فصل للنهايه

 

يوجعك صح ..! كل جرح ما أندمل ..؟! بعض الجروح لئيمه مثل أصحابها اللي حفروها فيك

ما تندمل أبد 

من فتره لـ فتره تذكرك فيه او فيها

 

ما قلت لك ..! عندي كلام كثير بس ما ظنتي تسمع

الخيبه اللي فيني مالها دين .. ما تعترف باللين و لا ترحم قلبي أبد

الخيبه اللي فيني لك فيها و منها كثير ..!

ما راح اقول لك مجروحه لأني مو كذا أبد

أنا عايشه يومي .. و الدنيا فيها غيرك و غيري

و لا بأقول لك متحسفه و لا متأسفه و لا يا ليتني ما شفتك

بالعكس .. كنت لحظة سعاده وقتيه

و ما في شي يدوم

بأقول لك إني تعبانه و أحياناً أنفاسي تثقل علي و ما أنام ..!!

ما كنت تحبني .. أدري و قد قلت لي هالشئ ..!!

بس أنا كنت أحبك و كثير 

و هذا الكلام يا صاحبي من زمان 

تتغير الاشياء من غير ما تحس ..

واللي يضحك .. كنت مؤمنه

ان ما ظنتي بيدوم إحساسي المجنون فيك ..

و صار .. !!

و أكتب لك الحين و أنت في أرشيفي المليان

بـ أسماء و صور و أرقام 

ما عاد تعني لي اكثر من إسم يمر و أخلده

في ذاكرة هالعمر

في خاطره أو بيت مكسور

 

28 oct

Advertisements